Monday, January 21, 2019

Waa kuma Guddoomiyaha cusub ee baarlamaanka Puntland?

0
Friday January 04, 2019 - 17:09:43 in Wararka by Mowliid Karaama
  • Visits: 43
  • (Rating 0.0/5 Stars) Total Votes: 0
  • 0 0
  • Share via Social Media

    Waa kuma Guddoomiyaha cusub ee baarlamaanka Puntland?

    Guddoomiyaha golaha baarlamaanka ee Maamul goboleedka Puntland ayaa loo doortay Cabdixakiin Maxamed Axmed (Dhoobo Daareed).

    Share on Twitter Share on facebook Share on Digg Share on Stumbleupon Share on Delicious Share on Google Plus

Guddoomiyaha golaha baarlamaanka ee Maamul goboleedka Puntland ayaa loo doortay Cabdixakiin Maxamed Axmed (Dhoobo Daareed).

Wareeggii hore ee doorashada ayuu helay 37 cod, Halka Cabbdijamaal Cismaan Maxamed uu helay 15 cod, ayadoo Abwaan Cabdirashiid Jibriil-na uu helay 5 cod oo kaliya.

Sidaas waxaa wareegga labaad ugusoo gudbay Cabdixakiin Dhoobo Daareed iyo Cabdijamaal Cismaan.

Hase ahatee wareeggii labaad ayaa guddoomiyaha la doortay Cabdixakiin Maxamed Axmed waxa uu ku guulaystay 43 cod halka Cabdijamaal Cismaan Maxamed uu helay 23 cod.

Madaxda ugu sarraysa maamulka Puntland ee uu kamidka yahay Gudoomiyaha baarlamaanka ayaa waxaa doorta golaha baarlamaanka maamulkaas oo gaaraya 66 xildhibaan.

Horay waxaa xilka Guddoomiyaha baarlamaanka u hayey Axmed Cali Xaashi oo haatan waqtigiisii xil hayntu uu dhammaaday.

Puntland wali kama hirgalin nidaamka axsaabta badan ayadoo madaxweynaha haatan waqtigu kasii dhamaanayo iyo kuwii ka horreeyayba ay ballan qaadeen doorasho qof iyo cod ah.

 

Waa Kuma Dhoobo Daareed?

Dhoobo Daareed Waxa uu kamid ahaa xildhibaanadii uu waqtigoodu dhammaaday,horayna waxa uu ugasoo shaqeeyey Sharikadda isgaarsiinta ee Golis.

Waxa uu kamid ahaa ururkii Al Itaxaad oo 1992-dii iskudayay in ay gacanta ku dhigaan gobollada Waqooyi Bari Soomaaliya.

Dadka yaqaan waxa ay sheegaan in uu yahay nin dabeecad wanaagsan, waxa uuna ka agdhow yahay urur diimeedka Al ictisaam.

 

 




Leave a comment

  Tip

  Tip

  Tip

  Tip

  Tip


Site Designed & Developed by ILEYS INC.