Xerada taliska ciidamada AMISOM ee Xalane oo ku taala duleedka magaalada Muqdisho waxaa ka socota is rasaaseyn xoogan oo u dhaxeysa rag hubeysan iyo ilaalada xeradaasi.

Wararka ayaa sheegaya in xerada Xalane ay weerareen kooxo hubeysan oo qaarkood isku soo xiray walxaha qarxa, iyadoo laga maqlayay xerada dhexdeeda qaraxyo iyo is rasaaseyn fool ka fool ah.

Ilaa iyo iminka lama oga qasaaraha rasmiga ah ee ka socda xerada Xalane, inkasta oo wararka hordhaca ah ay sheegayaan inuu jiro qasaarooyin lixaad leh.

Dhinaca kale waa markii ugu horeysay oo xerada Xalane weerar toos ah lagu soo qaado, iyadoo iminka askar fara badan oo ka tirsan ciidamada AMISOM ay ku sii qulqulayaan xeradaasi.